له رابردووی دوورهوه تا به ئهم سهردهمه گیانلهبهران دابهش کراوهن به سهر چهند بهشدا ،هۆشیار ،زۆردار ،نهزان،و دڕ لهم دابهش کردنهدا بۆ چارهی رهشی کهر،کهریان وهک گیانلهبهرێکی گێل و گهوج و نهزان ناسیویانه و تهنانهت له ههندێ ناوچهێش ناو هێنانی و سواربوونی به شوورهیی دهزانرێت و جار و باریش بۆ پاراستنی ئاوروو بهناوی چوارپیی و گۆی درێژ دێته ناسین و ناو دهبرێت.ئهو گیانلهبهره ئارام ،بێوه و چهوساوه ، به تهنیا به هۆی ههژاری و ملکهچییهوه کراوه به سهر تۆپی نهزانین ، که له ههر دهموو کاتێک دا کهسێک له رووی نهزانینهوه کارێکی وهها دهکات که له گهڵ ژیری دا ناگۆنجێت پیێ دهڵێن *به خوا کهره*له کاتێک دا ئهو خوو و رهوشه که له ههندی مروڤ دا ههیه ههرگیز و ههرگیز له ئهو گیانلهبهره بی ئازارهدا نهبووه و نییه .کوا کهری سپی کهری رهش دهچۆسێنێتهوه و به هۆی رهشی پێستهکهیهوه دهێکۆژێت و کوا ئهو گیانلهبهره نێره ،مێوه به هۆی مێوه بوونی ئازار دهدات و زۆرداری له سهر دهکات .خۆزگه سهد خۆزگه هێندی له مرۆڤهکان ئهوهنده حهزیان له زۆرداری نه دهبوو و زۆردار پهروهریان نه دهکرد.تا کوو کهری ههژار نهبواێت به گێل و گهوج و شێری دڕ و زۆردار و بێ بهزهیش نه کراێت به سهرۆک و سهرداری دارستان.باشه خۆ زۆردار و یا دیکتاتۆر گهژ و گیا نین که له زهوی بڕۆێن ، بهڵکوو زۆردار پهروهران ،پهروهردهیان دهکهن و دهیان سهپێنن به سهر کۆمهڵگادا .
ویلی برانت
ویلی برانت لە ساڵەکانی ١٩٧٤ _ ١٩٦٩ سەرۆک وەزیرانی ئەڵمانیا بووە و کەسایەتیەکی دیموکرات و لایەنگری مافی مرۆڤ و ئاشتی خواز بووە. لەسەردەمێکدا تەنیا چەند کەسایەتیێکی ناوداری جیهانی بوون کە پشتیوانیان لە مافی رەوای نەتەوەی کورد دەکرد، ویلی برانت یەکێک لەو چەند کەسانە بوو.
بۆ رێزگرتن لە ویلی برانت پاش مەرگی، لەسەر بڕیار و سەرمایەی خۆم و بە بێ بەرامبەر، پەیکەرێکم بە پێوانەی سروشتی لە ویلی برانت دروست کرد و بە ناوی گەلی کوردەوە پێشکەش بە پارتی سوسیال دیموکراتی ئەڵمانیام کرد. ئهو پهیکهره لە دهفتهری ناوەندیی ئەو پارتەدا لە رێورەسمێکدا بە بەشداری کوردەکان و نوێنەری حکومەتی هەرێمی کوردستان، بەرێز کاک دڵشاد بارزانی، پەردەیان لەسەر پەیکەرەکە لادا.
ههروهکووئاگادارن بە هۆی هەلکەوتەی بارودۆخی کوردستان، کە چوار دەوری لە لایەنی داگیرکەرانەوە دەورپیچ کراوە و رێگایان پێنەداوین تا بتوانین وەک ئەوەی کە هەین خۆمان بە گەلانی دیکە بناسێنین، بەڵکو ئەوە نەیاران بوون کە بە پێی بەرژەوەندی خۆیان گەلی کوردیان بە گەلانی جیهان ناساندووە و دەیناسێنن. بە پێویستم زانی بە پێی توانای خۆم بیسەلمێنم کە کوردیش وەک نەتەوەکانی دیکە لە توانایدایە کە لە بواری هونەر و کولتور و بوارەکانی دیکەش خۆیان پێشبخەن.
Druckversion 