له رابردووی دوورهوه تا به ئهم سهردهمه گیانلهبهران دابهش کراوهن به سهر چهند بهشدا ،هۆشیار ،زۆردار ،نهزان،و دڕ لهم دابهش کردنهدا بۆ چارهی رهشی کهر،کهریان وهک گیانلهبهرێکی گێل و گهوج و نهزان ناسیویانه و تهنانهت له ههندێ ناوچهێش ناو هێنانی و سواربوونی به شوورهیی دهزانرێت و جار و باریش بۆ پاراستنی ئاوروو بهناوی چوارپیی و گۆی درێژ دێته ناسین و ناو دهبرێت.ئهو گیانلهبهره ئارام ،بێوه و چهوساوه ، به تهنیا به هۆی ههژاری و ملکهچییهوه کراوه به سهر تۆپی نهزانین ، که له ههر دهموو کاتێک دا کهسێک له رووی نهزانینهوه کارێکی وهها دهکات که له گهڵ ژیری دا ناگۆنجێت پیێ دهڵێن *به خوا کهره*له کاتێک دا ئهو خوو و رهوشه که له ههندی مروڤ دا ههیه ههرگیز و ههرگیز له ئهو گیانلهبهره بی ئازارهدا نهبووه و نییه .کوا کهری سپی کهری رهش دهچۆسێنێتهوه و به هۆی رهشی پێستهکهیهوه دهێکۆژێت و کوا ئهو گیانلهبهره نێره ،مێوه به هۆی مێوه بوونی ئازار دهدات و زۆرداری له سهر دهکات .خۆزگه سهد خۆزگه هێندی له مرۆڤهکان ئهوهنده حهزیان له زۆرداری نه دهبوو و زۆردار پهروهریان نه دهکرد.تا کوو کهری ههژار نهبواێت به گێل و گهوج و شێری دڕ و زۆردار و بێ بهزهیش نه کراێت به سهرۆک و سهرداری دارستان.باشه خۆ زۆردار و یا دیکتاتۆر گهژ و گیا نین که له زهوی بڕۆێن ، بهڵکوو زۆردار پهروهران ،پهروهردهیان دهکهن و دهیان سهپێنن به سهر کۆمهڵگادا .
سەرەتا
بە نیاز بووم تەنیا بە قەد قورسایی و درووستکردنی پەیکەرکان بنووسم. بەڵام بە پێویستم زانی کە ئاماژە بەوەش بدەم کە بە هۆی هەلومەرجێکی دژوار کە لە کاتی بەرهەم هێنانی بەرهەمێکی هونەریدا، بە تایبەت پەیکەری "ئەسپ و سوار" رووبەڕووم دەبووەوە و بە هۆی گران بوونی کەرەسەی پێویست بۆ هۆنەری پەیکەرسازی لە ئوروپادا، ناچار دەبووم گەلێ جار بۆ ماوەیەکی درێژ کارەکەم راگرم و لە هەمان کاتیشدا بە زیانم دەزانی کە ئەزموونی رابردووم بە هەدەر بچێت و بێ کەڵک و دەستەوئەژنۆ دابنیشم.
من وەک تاکێکی کورد بێ ئەوەی منەت بکەم، بە ئەرکی خۆم دەزانم، بەو ئەندازەی کە لە هونەرەکەمدا ئەزموونم زۆرتر بێت، هەر بەو ئەندازەیش خۆم بە بەرپرسیار زانیوە و دەزانم کە چەند بەرهەمێکی هۆنەری و بە پێز لە دوای خۆم بە جێبهێڵم. تا بەڵکو بتوانێت کەلێنێک لە مۆزەخانەی هەژاری کوردستانی پێ پڕبه کرێتەوە و ببێتە هۆی دەوڵەمەندی هۆنهری کوردی۰
بۆ ئەم مەبەستەش ئەگەر پێوویست بکات تەنانەت لە ژەم و دەمی خۆم دەگرمەوە، بۆ ئەوەی بەردەوام بم لە کاری هونەریمدا و ئاسەوارێکی وەها بهێنمە بەرهەم کە شوێنەواری چوارپارچەی پێوە دیار نەبێت و تەنیا راستیەکان بدرکێنێت.
لە کۆتاییدا هیوادارم کە ئەو رۆژە بێت کە گەلی کوردیش ببێتە خاوەن تەلەفزیونی نەتەوەیی خۆی، تا بە بێ هەڵاواردن و جیاوازی، هونەری هونەرمەندانی خاوەن بەهرە پیشان بدرێت و بینەری کوردیش لەگەڵ هونەری پێشکەوتوو و سەردەمی ئاشنا بکرێت.
هەر وەها هیوادارم کە رۆژێک بێت کە بتوانم پەیکەری گەورەی "ئەسپ و سوار" دروست بکەم و لە گۆڕەپانی شارەکانی کوردستان دابنرێت.
بەرزایی پەیکەری "ئەسپ و سوار" لە ئاڵاوە تا خوارەوە ٨٠ سانتیمەتر و درێژایی ٧٥ سانتی مەتره.
Druckversion 